Օգոստոսի 6-ին Impulse management company գրասենյակում տեղի ունեցավ Դիլիջանի քաղաքային զբոսայգու ուսումնասիրության արդյունքների շնորհանդեսը և քննարկումը։

Մեկ ամիս շարունակ ճարտարապետների թիմը զրուցել է բնակիչների, տարբեր համայնքների և փորձագետների հետ և ուսումնասիրել տարածքը: Հավաքագրված տվյալների հիման վրա կազմվել են առաջին նախագծային վարկածները, թե ինչպես կարող է փոխվել այգին:

Հանդիպմանը ներկա էին Դիլիջանի տարբեր տարիքային և սոցիալական խմբերի շուրջ 50 ներկայացուցիչներ, ովքեր կիսվել են իրենց տեսակետներով առաջարկվող փոփոխությունների վերաբերյալ։